DSECRET 19
"Sigurado ka bang ayaw mo na magpahatid papunta sa loob?" Nag-aalangan na tanong ni Cholo sa kanya habang tinitignan ang madilim na paligid at wala ng tao, "Baka wala ka ng masakyan papunta sa inyo. Late na rin at hindi maganda para sa babae na mag-isa sa ganitong oras," may halong pag-aalala nito.
Umiling lang si Denise sa kanya bago kinuha ang bagpack na hawak ni Cholo. Siya ang una nilang inihatid dahil siya ang may pinakamalapit na daan, samantala ang tatlo naman ay sa condo unit ni Cholo magpapalipas ng gabi.
"Mas hindi maganda na may kasamang lalaki sa ganitong oras," natatawang sagot niya dito, "Tsaka, hindi na talaga kailangan. Nagtext na rin ang sundo ko na nasa loob na siya at naghihintay. Wag ka na mag-alala."
Nag-aalinlangan na tumingin sa kanya ang binata bago h
