HER POV
Bigla akong nakadama ng gutom nang walang tigil sa pagkalam ng aking sikmura. Napamulat ako ng aking mga mata. Nakatulog pala ako. Hindi ko alam kung anong oras na. Mukhang napasarap ang idlip ko.
Matapos kasi makaalis ni Benedict ay deretso na ako sampa sa kama. Hindi na nga ako napagpalit pa ng aking damit sa labis na pagod ng utak at puso. Kamakailan lang ay payapang- payapa ang buhay ko sa ancestral home kahit si nanay Fely lang ang kasakasama ko sa tuwina.
Bumangon na ako at nag-unat unat. Ano na kayang oras? Hinanap ko ang hand bag ko na naroon pa rin pala sa paanan ng kama. Matrimonial ang bed kung kaya’t napakalaki nito para sa balingkinitan kong katawan.
Tumayo na ako at agad na pinuntarya ang pinto palabas. Hindi na ako nagbanyo o nag-ayos ng aking sarili ako lang nam
