Kinabukasan ay maagang nagising si Bruce. Nakaramdam siya ng ngiti nang masilayan ang dalawang babaeng kumukumpleto ng buhay niya.
Naalala niya ang huling pag-uusap nila ng kanyang mahal na si Sierra kagabi. Alam niyang naging mahina na naman siya, ngunit masaya siya sapagkat hindi siya iniwan nito. Nais niyang makabawi kaya't maaga siyang bumangon upang maghanda ng almusal.
Maging ang katulong na si Lyn ay nagtaka rin na makita siya.
"Magandang umaga señorito, ang aga niyo po yata," pagbati sa kanya ng matagal na nilang katulong na si Lyn. Bata pa lamang siya noon at nag-aaral nang unang mamasukan sa kanila si Lyn sa kanilang mansyon. Hanggang nagkapamilya siya ay sumama ito sa kanila. Saksi si Lyn sa naging lungkot nilang mag-ama simula nang mamatay ang asawa niyang si Beth.
"At
