MAPAPATAWAD mo ba ako kapag sinabi kong sumuko ako? Pagpasensyahan mo na ako. Isang taon na si Alfons. Ang kulit-kulit na ni Al. Sarap pisain na parang garapata ni Miry. Graduate na pala ako. Pamilyado na si Cielo. Tropa ko si Gabriel. May apo na sina Mama at Papa. Wala na si Helen.
Nililito lang kita. I-absorve mo muna. Saka kita babalikan. Tinatawag ako ni Gabriel.
****
AKO NGA PALA si Edgar Rojosol. May isang kapatid. Ang pangalan niya ay Evan. Ang mga minamahal ko namang magulang ay malusog at maliksi dagdag na may apo na nga sila. Babae ang pamangkin ko. Si Samantha. Nagta-trabaho ako bilang encoder sa ilalim ng team leader ko na si Gabriel. Field ni Domeng itong pinasukan ko. Nang maka-graduate ako ay ipinasok ako ni Domeng sa trabaho nito. Inilagay naman ako sa grupo ni Gabriel.
