JULY 11
KAKAIBGANG TINGIN NA ang tinatapon sa aming tatlo dito sa Kapehan ni Tonti. Kasama ko si Cielo at Domeng na nagpapalipas ng oras habang mataas ang sikat ng araw. Lahat kami ay nakasuot ng sunglasses upang itago ang pamumula at puyat na mga mata namin. Si Manong Tonti ang may-ari ng kapehan na ito. Naabutan pa naming buhay iyon. Lagi kaming tambay rito tuwing umaga pagkatapos ng mga all-nighter at basagan ng ulo at sikmura kapiling ang alak. Nang namayapa na nga si Manong Tonti, pumalit ang pamangkin nito. Giniba iyong orihinal na Kapehan ni Tonti at inilipat sa mas makitid, murang renta, ngunit dagsaan ng tao na puwesto.
Resulta na hindi namin kilala ang mga tao at nagmimistula pa kaming nag-i-sponsor ng droga. Magkasundo naman kami ng pamangkin ng unang may-ari at hinahayaan ka
