NAGPALIPAT-LIPAT ang mga mata ni Agatha kina Paulino at Jaco. Nais niyang pagbuhulin ang dalawa. Ano nga ba ang tawag sa ginagawa ng mga ito? Pissing contest? There was so much testosterone in the air. Nakahawak si Xena sa kamay ni Paulino. Nakayakap naman si Yogo sa mga binti ni Jaco. Masama ang tinginan ng magkapatid.
Silang lahat ay nasa apartment na lalong lumiit dahil sa dalawang lalaki. Inihatid ng dalawa ang mga anak sa kanya.
Labis niyang ikinaiinis na nakikisali ang dalawang bata sa pissing contest ng dalawang lalaki. Tila hindi na naman nagkakasundo ang magkapatid. May kanya-kanya uling manok. Hindi magandang ehemplo ang dalawang lalaking ito.
“Kayong dalawa, pumasok muna kayo sa kuwarto,” mariin niyang utos sa dalawang bata. “Mag-uusap ang mga matatanda.”
Tumalima ang magka
