“Anong ginawa ko kay Eira? Wala na nga akong sinabi.” Hindi alam ni Amira kung bakit parang lagi siyang kontrabida kahit madalas siya ang agrabiyado.
“Nag-sorry na sa iyo ‘yung tao. Aba! Gusto mo pa yata lumuhod sa iyo.”
“Hindi ko alam kung bakit kailangan niyang mag-sorry. Desisyon niya iyon. Pangatawanan niya.”
“Because she cares about your feelings. Kahapon pa nga siya umaatungal bago pa niya ibigay ang boto niya. Hirap na hirap siyang magdesisyon sa kung ano ang iboboto niya. Di lang si Eira kundi pati ibang kapatid natin. Ayaw ka rin naman nilang masaktan.”
“Tapos na iyon. Bumoto na sila. Natalo na ako. Tell them to get over it. Sa totoo lang masakit ang ulo ko kaya gusto kong magpahinga.”
Akmang tatalikuran niya ito nang pigilan nito ang braso niya. “Di pa tayo tapos.”
“And I
