Nangangatog sa lamig si Amira habang nakatayo sa gate ng bahay ni Francois. Hinapit niya ang coat sa sarili para maibsan ang lamig. Kung tutuusin ay di ganoon kalamig ang panahon. Subalit ang lamig ay nagmumula sa kaibuturan ng puso niya. She was frozen inside. At hindi niya alam kung ano ang gagawin para maibsan iyon.
Pinindot ulit niya ang doorbell. Di sumasagot si Francois sa tawag niya. Baka hindi pa ito nakakauwi. Mukhang wala ring ibang tao sa bahay. Ang alam niya ay nasa Maynila si Romualdo para sa meeting sa abogado at marahil ay aasikasuhin din nito ang biyahe sa pagpunta sa France. Si Manang Conching naman ay baka tulog na o kaya ay baka dumalaw sa kamag-anak nito kaya wala.
Hindi niya alam kung gaano siya katagal maghihintay sa nobyo. Sa huli ay umupo na lang siya sa harap n
