DEDAY'S POV
Seryoso ako na hindi ako uuwi sa bahay. Kasalukuyan akong nasa condo ni Mira. Malapit lang ito sa campus kaya nilakad ko na lang. Gusto ko munang mag-isa. Pakiramdam ko ay pagod na pagod ako. Humiga ako dahil sobrang inaantok ako. Pero sinilip ko muna ang phone ko kung tumawag ba siya sa akin.
Pero nalungkot lang ako dahil wala. Humiga na lang ako sa sofa. Hindi ko alam kong ilang oras akong tulog basta nagising ako na nangangasim ang sikmura ko. Nahihilo rin ako. Pagkatapos kong dumuwal sa lababo ay bumalik na ako sa sofa.
"Ate," tawag sa akin ni Mira.
"Mira, pasensiya kana ha. Hindi kasi kami okay at hindi ko rin alam kung naniniwala ba siya doon sa mga lumabas sa social media," saad ko sa kanya.
"Okay lang 'yon ate. Saglit kukuha lang ako ng mga damit na puwede mong g
