"N-Nelrose, m-makinig ka! Alam kong nandiyan ka! Kung anuman ang nasa loob mo, labanan mo, sweety." Isang mabilisang dasal ang ginawa ko. Taimtim. Punong-puno ng emosyon na sana'y matapos na ang lagim na ito. "Sweety, wake up," mahinang usal ko pero blangko lamang ang expression nito nang magtama ang mga mata namin. Nakatayo lamang ang babae nang bitawan ko siya. "Huwag kang aalis, gagawin ko lamang ito nang mabilisan." Muli kong pinagpatuloy ang naumpisahan ko sa pamamagitan ng pag-bless sa lugar.
Naramdaman ko ang matulis na kuko ng babae nang padaanan nito ang likod ko nang talikuran ko siya bigla. Lilibutin ko pa sana ang loob ng kuweba pero napahinto ako sa tangkang pag-alis ko.
"Ahh, N-Nelrose, no!"
Napatingala ako sa taas sa biglang sakit na naramdaman ko. Naningkit ang mata ko
