MALINAW na isang hostage taking ang nagaganap sa mansion ng mga Ibañez at nasaksihan iyon ni Anna nang makapasok siya sa mansion at maka-akyat sa rooftop. Naabutan niya ang ilang mga pulis sa paligid at kumukuha ng buwelo para malapitan si Carol. Naroon rin si Rico, at nakita niyang sumenyas ito sa isang kasamahan nitong pulis. Naiintindihan niya na mahirap ang ganoong sitwasyon dahil hawak ng babae ang bata kung kaya’t ingat na ingat ang mga ito sa bawat galaw na nililikha. Lahat naman ay ayaw malagay sa panganib ang bata, lalo na siya dahil isa siyang Ina.
Bago siya makapasok sa ng mansion ay nakipag-away pa siya sa mga pulis na nagbabantay sa labas. Ayaw siyang payagan na pumasok dahil baka mapahamak lamang siya, pero gumawa siya ng paraan para makapasok sa loob at iyon ay sa pamamagi
