Amara
Balita sa buong Universidad ang nangyaring aksidente na kinasangkutan ng ama nina Galvert at Georgina na si Mr. Gregory Monreal.
Bumagsak ang sinasakyan nyang chopper sa karagatan na malapit sa Palawan.
Marahil ay ito ang balitang bumungad sa kanya noong isang araw na dahilan ng kanyang pagkatuliro at tila problemado habang may kausap sya sa telepono.
Kahit naging mag-kaaway kami ni Galvert nitong mga nakalipas na araw ay umusbong naman ang panalangin sa aking puso na makita pa nila ang kanilang ama na ligtas.
Ang huling balita na narinig namin, hanggang ngayon ay pinaghahanap pa rin ng search and rescue team ang katawan ni Mr. Monreal. Buhay man o patay.
Ang sekretarya at ang piloto ng chopper naman nya ay nakitang palutang-lutang sa karagatan at wala ng buhay. Nakakakilabot
