Sapphire’s POV
Pagdating namin sa venue ng business conference, agad kong naramdaman ang bigat ng atmospera.
Mararangya ang mga chandelier na nakasabit sa kisame, kumikislap ang mga ito kasabay ng malamlam na liwanag na bumabalot sa buong hall.
Naka-black tie ang karamihan sa mga kalalakihan, habang ang mga babae ay nakasuot ng mamahaling gowns at cocktail dresses.
Ilang pares ng mata ang agad na tumingin sa amin nang sabay kaming pumasok. Hindi ko alam kung dahil sa presensya ni Matthew Stewart na kilalang anak ng isa sa pinakamayamang mag-asawa sa bansa at sa labas pa nito o dahil sa akin na anak ng Altamirano family na matagal nang nasa industriya.
Either way, the attention was suffocating.
“Smile a little, Sapphire,” bulong ni Matthew habang bahagyang yumuko sa akin, sapat para
