Sa sobrang pagod ay nakatulog ako sa bisig ni Asher na siyang nasa tabi ko, kasabay nang maluwag kong paghinga, tila ba nabunutan ng tinik ang dibdib ko.
Wala na pala akong dapat bawiin dahil una pa lang, sa akin na itong Isla Mercedes. Kung ganoon ay gusto kong dito na ako tumira at mamuhay nang tahimik, kasama si Natasha.
Kasama ang lalaking mahal ko— si Asher. At kasama ng isla ay bubuo kami ng sariling pamilya.
Hindi ko namalayan kung ilang oras ako nakatulog, naalimpungatan na lang ako sa posisyong mayroon kami ni Asher. Nakapatong ang ulo ko sa dibdib nito, samantala ay masuyo niyang hinahaplos ang buhok ko.
Bahagya akong gumalaw upang ipakitang gising na ako, saka ko naman naramdamang na-tense ang muscle nito sa braso. Tumikhim ako ngunit mas piniling nasa ganoong pwesto.
"You'
