Masama ang tingin ni Charmie sa sarili niya sa harap ng salamin. Hindi siya makapaniwala sa nakikita niya ang sarili niya sa salamin na ganito ang suot. Hindi dahil pangit ang suot niya kundi kabaligtaran pa nga. Maganda naman ang itim na rash guard na may floral design at fitted sa katawan niya, elegante, classy, at sobrang layo sa orange string bikini na ipinaglaban niya kanina. Covered ang dibdib, ang tiyan, pati ang balikat. Parang isang malaking paalala na natalo siya sa laban na ayaw naman sana niyang pasukin pero heto ang ibedensya natalo siya ni Grae.
“Bwisit, talaga.” bulong niya sa sarili, nakakunot ang noo habang inaayos ang zipper sa harap. Sa repleksyon ng salamin, kita niya si Grae sa likod niya nakasandal sa pader, magkakrus ang mga braso, at may ngiting hindi niya alam ku
