Hapon na nang tuluyang mapagod si Charmie sa kakaisip. Kung ano bang gagawin niya, pakiramdam niya sasabog na ang utak niya. Hindi niya alam kung ilang oras na siyang paikot-ikot lang sa loob ng condo. From bedroom to living room. From couch to window. Paulit-ulit at sa bawat hakbang niya iisa lang ang laman ng isip niya.
Si Grae. Napabuntong-hininga siya habang nakatayo sa harap ng floor-to-ceiling window. Mula sa taas ng condo unit niya, tanaw ang buong lungsod. Maganda, tahimik ang ambience pero sa loob ng utak niya magulo. Hindi niya matanggal sa isip ang nangyari kagabi. Hindi rin niya matanggal ang mga larawang nakita niya. Si Grae at Urielle, magkatabi sa beach. Mukhang masaya… komportable, nag-eenjoy sa bakasyon. Isang buong linggo silang magkasama.
At siya? Nandito sa Manila nag
