WALA na sa loob ang pagtango ni Ariah kay Dodot nang magpaalam ito na aalis na. Hindi na niya pinansin ang pasasalamat ng kaibigan sa lunch. Ni hindi na niya sinundan kung sa main door o sa back door ito nagdaan palabas. Nakatutok na ang mga mata niya kay Rush. Para siyang biglang nahampas sa dibdib pagkakita niya sa asawa. Ang lakas agad ng t***k ng puso niya.
Napanganga nga lang siya nang mapagmasdan ito kanina—parang binagsakan ng mundo, nakasalampak sa sahig at parang wala nang hinihintay na umaga. Nagmulat lang ito nang tinawag niya ang pangalan.
May dumating bang taxi? Wala siyang narinig na tunog. Malakas kasi ang kuwentuhan nila ni Dodot. Ang ka-sweet-an ng mga umalis nilang kabigan ang topic nila. Magkakasabay na umalis kaninang alas diyes sina Yosah at
