Tila huminto sa pag-ikot ang mundo para tatlong mag-ama, kapwa hindi nakahuma sa kanilang kinatatayuan dahil sa matinding damdamin na bumabalot sa buong paligid.
Si Cedric na nanatiling nakamasid lang sa tatlo, hindi na niya ikinagulat ang biglang pagpasok ng asawa, kilala niya ang ugali nito kaya inaasahan na niya na mangyayari talaga ito.
Si Elias na wari mo’y naengkanto at hindi makapaniwala sa babaeng nakatayo sa kanyang harapan. Nakikita niya sa katauhan ni Lexie ang namayapang asawa dahil kawangis ito ng mahal niyang si Melissa, hindi lang sa anyo maging sa personalidad nito.
Bumuhos ang matinding emosyon sa pagitan ng mag-ama, nanginginig ang katawan na humakbang ito palapit sa nawawalang anak.
Mga mata’y nanlalabo dahil sa mga luhang nagbabadya ng pumatak.
Si Chloe na hindi m
