Napalingon si Maya sa lalaking kakababa pa lamang mula sa silid nito. Alas onse na ng umaga at ngayon pa lang nagising si Hunter. Siguro ay nagpuyat na naman ito kagabi o hindi naman kaya e nanood ng pelikula. Maaga siyang natulog kagabi dahil na rin sa pagod at ayaw niya lang talaga na makasama si Hunter nang matagal sa iisang silid.
Halos isang linggo na silang nakatira sa iisang bubong. So far, sumusunod naman ang damuho sa usapan nila. Hindi rin naman siya nito masyadong pinapahirapan sa mga gawaing bahay. Hindi siya nito dinidikitan bagaman palagi pa rin siya nitong iniinis na hindi na yata matatanggal sa kanilang dalawa. Paminsan-minsan ay may mga reporters na nagpupunta sa condo ng aktor para makakuha ng interview. O hindi naman kaya ay mga fans nito na nag-iiwan ng mga bulaklak,
