Chapter 72
Nagsimula na nga ang pansamantalang pagpapanggap ni Angela bilang si Regiena sa St. Peter's Basilica na pinamumunuan na ng walang iba kundi ang Hari ng Impyerno at ngayon ng lupa na rin na si Satanas.
Sumama siya kina Paris, Lilith at sa tatlong demonyo nito upang magbigay pugay kay Satanas na nasa altar ng simbahan. Kinakabahan siya dahil baka mabuko siya nito. Gayunpaman ay nilakasan niya ang kanyang loob. Maaaring anumang oras ay gumawa ng hindi kanais- nais si Paris at ilantad ang kanyang lihim. Huminga siya ng malalim. May tiwala pa rin siya sa Diyos na nasa langit at hindi magbabago 'yun kahit na sa mga ganitong sitwasyon na tila ba wala nang pag- asa. Inalis niya ang mga iniisip niya upang hindi iyon mabasa ng sinumang naroon.
"Labis kaming nalulugod Panginoong Satana
