Chapter 48
Suzanne Medina
"Manang ako na po rito. Magpahinga na lang po kayo r'yan. Gusto niyo po ba ng tsaa? Ipagtitimpla ko po kayo,"
Kasalukuyan akong naghahanda rito sa kusina ng almusal nang malingunan ko si Manang Liza na maghuhugas sana ng mga rekados na gagamitin ko sa pagluluto.
"Ano ka ba, Hija, hindi naman ako lumpo. Hayaan mo na ako, wala na akong ginawa sa bahay na 'to," Sabi ni Manang Liza.
"Manang naman, e, baka bigla na naman pong tumaas ang alta presyon niyo,"
"Hindi na 'yan, Hija, at saka anong silbi ng mga gamot," Sabi niya sabay kindat.
Ang tigas din kasi ng ulo nitong si Manang Liza.
"Ikaw, kumusta ka na, Hija? Hindi biro mawalan ng isang kaibigan, dalawa na pala dahil naging kaibigan mo na rin si Alex," Sabi niya.
Ilang linggo na ang nagdaan magmula ng mamata
