"Napaaway lang—" Hindi na natuloy ng katulong ang nais niyang sabihin nang maagap na sumingit si Reece.
"Para na siyang si Maleficent, Mamu."
Napahinga ako nang malalim. Hindi na bago sa akin kung may nakaaway man nga si Heather, warfreak naman talaga ang unang pagkakakilanlan ko sa kaniya. Sana lang ay nasa maayos siyang lagay ngayon.
"Sige na ho at mauuna na kami ni Reece," paalam ko saka pa inalalayan sa pagtayo si Reece at hawak ang kamay nito nang lingunin ko ang katulong.
Mabilis naman itong tumango, kapagkuwan ay inilahad pa kay Reece ang hawak niyang cake. "Heto at kunin niyo na, nag-bake lang naman talaga ako para sa bata at kanina lang ay naghahanap siya."
Umawang ang labi ko sa narinig. Kung ganoon pala ay sana binilhan ko na lang si Reece ng cake sa Coffee Shop kanina, nag
