"MOIRA," untag ni Loisa kay Moira. "Ikaw raw ang mauunang mag-scrub ngayon."
Nang marinig iyon ay tahimik siyang tumayo mula sa kinauupuang silya at iniayos ang pagkakasuot ng kanyang haircap. Matamlay at mabagal ang kilos niya. Nasa loob sila ng nurses' quarter sa OR-DR department ng UST Hospital.
"Rj, circulating ka raw," baling naman ni Loisa sa lalaking tahimik na nakasunod ang tingin kay Moira. Dahil nakatalikod si Moira sa mga kasama ay hindi niya napansin ang makahulugang tingin na ibinigay ni Loisa kay Rj, at ang tipid na pagtango ng huli.
Lumabas siya ng silid at tinungo ang scrub sink para maghugas ng kamay. Sisimulan na sana niya ang paglilinis ng kamay nang bigla siyang natigilan. Napatitig siya sa malaking lababo na nasa kanyang harapan. Naramdaman niya ang pag-init ng sulo
