Hindi hinarap ni Rowella ang mga bisita kahit ano pang pangungumbinsi at pamimilit sa kanya ng ina. Nanatili siya sa loob ng kuwarto niya. Ikinakatakot niya na baka kapag nakita niya ang pagmumukha ni Chino ay hindi niya mapigilan ang sarili at masaktan niya lamang ito.
Bakit kasi nagpunta pa ito doon? Hindi niya na ipinagtaka kung paano nito natunton ang bahay ng mama niya. Malamang ay nakuha nito ang adress mula kay Trixie. Pero bakit naman pati ang mga magulang nito ay isinama nito?
Syempre ay para masiguro niya na hindi mo sosolohin ang magiging anak niyo at sinadya niyang isama ang mga magulang upang kumbinsihan ka sa magiging set up niyo paglabas ng bata.
Maaaring gano'n nga. Hindi porque't wala na sila ni Chino ay wala na itong karapatan sa magiging anak nila. Bilang mga magula
