Chapter 11
Samantha
"Hindi ka na yata masiyadong naglalalabas ngayon, ah? Hindi mo na pinupuntahan si Gian? Iyong old friend mo?" usisa ni Papa na kagagaling lang sa kapitolyo ng hapong iyon.
Naabutan niya kong nakasalampak ng upo sa carpeted na sahig sa sala at abala sa paggawa ng layout para sa mga tarpaulin at posters na gagamitin sa nalalapit na campaign.
"Nagkamali po kasi ako, akala ko siya iyong kaibigan ko hindi pala." casual na pagkakasabi ko para hindi niya mahalata ang bigat ng loob na nararamdaman ko.
May isang linggo na kasing hindi ako nagpapakita sa Hacienda ni Gian. Tinablan na ako ng hiya dahil sa pamamahiyang ginawa niya sa akin. Mabuti nga nakapagpigil ako at hindi ako napaiyak sa harapan niya dahil sa sakit ng mga sinabi niya. Alam ko ng may pagkakamali rin talag
