AYVA’S POV
“ANG saya yata natin ngayon a.” Nilingon ko ang nagsalita. “May tinatago ka sa akin no?” tanong sa akin ni Rachel.
“Ano’ng tinatago ang pinagsasabi mo?” balik tanong ko. Kasalukuyan kaming naglalakad papasok ng gate ng COA.
“Asus, huwag ka ng mag-deny Ayva. Kilalang-kilala kita.”
“Hindi ba pwedeng masaya lang? Kailangan talaga may dahilan?”
“Parang noong nakaraan lang iiyak-iyak ka tapos ngayon ang saya saya mo naman. Baka pwede mong i-share sa akin? Huwag mong sabihin na - ”
“Huwag ka ngang mag-isip ng kung anu-ano, Rachel. Masaya lang ako kasi maganda ang kinahinatnan ng event natin, hindi ba? Ang sabi sa akin ni Prof Martin ay marami raw nagkaka-interes sa mga design nating gown. Hindi ka ba masaya kapag ganoon ang nalaman mo? Nagbunga na ang lahat ng pagsisikap natin,
