Kung hindi lang taglay ni Jerod ang mga pangit na ugali na inaayawan niya sa isang lalaki, isa sana ito sa kanyang mga ilusyon, bulong ni Ella sa sarili. Pero kabaligtaran si Jerod ng pinapangarap niyang lalaki. Kung sa itsura lang, swak nga ito, no doubt about that. Pero sa ugali? Nah! Jerod was not deserving to be her illusion. He was not even a ‘crushworthy’.
Tuloy pa rin sila sa pagsasayaw ni Jerod. Tila nadadala naman ang binata sa magandang musika dahil lalo nitong hinapit ng isang braso ang baywang niya at paminsan-minsang pinipisil ang kanyang kamay na hawak nito. Mas naging malapit ang mga katawan nila sa isa’t isa kung kaya ramdam niya ang init na sumisingaw mula rito. Nasasamyo rin niya ang mamahaling pabangong ginamit nito.
Lihim naman na nakadama ng kagalakan ang puso
