XXV.
Napunta ang tingin ko sa pinto nang bigla itong bumukas, samantalang si Rigo at King ay nakatingin pa rin sa isa't-isa.
Maingay akong tumayo at maligayang kinawayan ang pumasok. "Uh.. Hello, Kieran!"
Napunta ang tingin nung dalawa sa'kin kaya hindi ko alam kung mukha akong nadudumi dahil sa pilit na ngiti ko. Tumaas ang kilay ni Kieran dahil sa pagbati ko.
"Damn, i feel so welcomed.." Bago siya humalakhak at umupo sa tabi ni King na nakababa na ang tingin sa kung saan. Maya maya lang din ay pumasok sila Billy at Kyle kaya hindi na talaga ako nakapagsalita at nilinis na lang ang sugat ko habang pinapanood ako ni Rigo.
Umimik lang ako nung tinanong na nila ako kung anong nangyari kanina.
"Halos hindi ko maintindihan ang lahat basta bigla na lang sinigawan ni Jessy si Chloe at sina
