“Good morning, Isa,” masiglang bungad ni Asher nang makapasok ako ng classroom. Nginitian ko siya at binati pabalik saka naupo sa upuan.
Kagabi, halos madaling araw na ako nakarating sa bahay. Tahimik lamang ako at nagpanggap na tila walang narinig o nalaman. Hindi na rin nagtagal sila Ate Lara sa bahay kaya nakapagpahinga kaagad ako pagkatapos kong inumin ang hinanda ni Momma na gatas. Mabuti na lang rin ay nakisama ang isip kong huwag munang alalahanin ang mga narinig dahil baka ay mahuli ako sa klase kinabukasan.
“Isa, kumusta ang Singapore?! Spill the chika!” natutuwang humarap si Asher sa akin. Pinagkrus niya ang mga braso niya at pinatong iyon sa ibabaw ng sandalan ng upuan niya. Pinatong niya rin doon ang mukha niya na tila batang excited na makinig sa kwentong babasahin.
“Oo n
