*Gab's POV*
Para akong kinakapusan ng hininga nang makita ko ang paglapit ni Rafael. Gusto kong lumapit at pigilan siya pero halos tinulos ako sa kinalalagyan ko.
"Wala naman akong ginusto kundi ang mahalin ni Gabrielle. Pero ikaw ang humarang! Walanghiya ka! Dapat sa akin siya at hindi sa iyo. Wala kang pinagkaiba sa ibang lalaki. Gago ka!" galit na sigaw ni Dionne habang hawak ang baril, ang mga daliri nito ay nasa gatilyo na ng baril.
"Tama na!" pagmamakaawa ko. Pero parang hindi naman nakarinig si Dionne dahil galit na galit ito.
"Sino ka ba kasi ah. Alam mo bang maaayos pa ito. Iwan mo lang sa akin si Gabrielle at matatapos na ito!"
"Hindi! Ako ang mahal niya at mahal ko rin siya. Kaya tapusin na natin ito dahil tinitiyak ko sa iyo na hinding-hindi ko ibbigay si Gabrielle sa iyo.
