TUMAYO si Bria mula sa pagkakaupo niya sa sofa nang makita niya ang paghilot ni Frank sa sentido nito habang nakatutok ang atensiyon nito sa harap ng computer. Humakbang naman siya palapit dito. At mukhang napansin nito ang paglapit niya dahil mayamaya ay inalis nito ang tingin sa computer at nag-angat ito ng tingin patungo sa kanya.
Nasa office siya ni Frank ng sandaling iyon. Gustong-gusto kasi niya na lagi itong kasabay na kumain ng lunch kaya kung hindi ito ang bumibisita sa site kapag lunch time ay siya ang bumibisita sa opisina nito. Despite his busy schedule, Frank always makes time for her. At mas lalo lang niya itong minahal sa ginagawa nitong iyon.
Aaminin ni Bria, hulog na hulog na siya sa pagmamahal na nararamdaman niya para sa lalaki. At hindi niya alam kung makakaahon p
