NAGISING si Bria nang may humahalik sa pisngi niya. At nang dahan-dahan siyang nagmulat ng mga mata ay hindi niya napigilan ang pagsilay ng ngiti sa kanyang labi nang tumambad sa kanyang mga mata ang nakangiting mukha ni Brylle, ito din pala ang humahalik sa pisngi niya kung bakit siya naalimpungatan.
"Good morning, Mama," nakangiting bati ni Brylle sa kanya ng magtama ang mga mata nila.
Mas lalo namang lumawak ang ngiti sa labi ni Bria nang marinig niya ang pagbati ng anak sa kanya. Inilahad naman niya ang dalawang kamay sa harap nito. Nakuha naman agad ni Brylle ang gusto niyang mangyari dahil agad itong pumaloob sa nakalahad na kamay niya.
Niyakap naman niya ng mahigpit ang anak. "Good morning, Kuya. How's your sleep?" tanong niya dito.
"Okay naman po, Mama," sagot nito sa kanya
