CHAPTER EIGHTEEN- THE FIRST DAY OF TAPING
“Good morning po, Miss Mikay at Mang Toteng. Pasensya na po sa bahay namin. Maliit lang pero welcome po kayo rito." bati niya sa dalawa nang dumating na ang mga ito sakay ng isang pick up na siyang magiging service marahil ng mga ito. Sa likod ng truck ay naroon ang mga gagamitin ng mga ito sa pag shoot pati na ang mga personal na gamit. Hindi na si John ang camera man na makakasama ni Mikay dahil na kay Yheven ito naka-assign.
"Ano ka ba? Hindi kami pumunta rito para sa bahay mo. Nandito kami para sa iyo mismo kaya huwag kang mag-alala. Sanay kami sa ganito, diba, Mang Toteng?"
"Naku, Sybelea, kahit saan pwede kaming matulog nitong partner ko. Mabuti nga at may matutuluyan pa kami rito. Sa ibang show at coverage na ginagawa kasi namin, halos sa
