FRANK
"Kumusta, mga pare?" tanong ni Rave nang makalapit sa table namin. Padaskol nitong hinawi ang espasyo sa pagitan namin ni Stanli at sumiksik doon. Napilitan tuloy kaming umisod palayo ng huli.
"Kagabi mo pa tinanong 'yan at kagabi ka pa rin namin sinagot," walang pahimagas na butata rito ni Stanli.
"Alam ko. Pero kagabi kasi, limited lang ang mga sagot natin kasi kasama natin ang mga girls. What I'm trying to ask is your private and s****l life."
"Gago!" halos magkapanabay naming bulalas ni Stanli, sabay rin nang subukan naming batukan si Rave. Ngunit parang napaghandaan nito iyon dahil sa bilis ng reflexes nito. Nakaiwas agad.
"Maka-gago kayo, ah? Parang hindi kay dumaan sa stage na gano'n." Tatawa pa rin ito.
"Well, huwag mo kaming ihalintulad sa 'yo ni Frank. Matitino kami a
