SELENA
KATATAPOS ko lang mag-shower at kasalukuyang bino-blow dry ang aking lagpas balikat na buhok sa harap ng malaking salamin. Napapangiti ako habang inaalala ang mga pangyayari sa loob ng halos isang buwan kong pamamalagi roon.
Mukhang wala naman pala akong dapat ipangamba. I don't know what kind of game Xavi was trying to play, pero ang makitang mukhang hindi naman niya kayang saktan si Issa ay sapat na sa 'kin. Ang hindi ko lang maintindihan ay kung bakit kailangan pa nilang magpanggap. Bakit hindi na lang i-share ni Xavi sa akin ang katotohanan na nahuli at ngayon ay kasama namin ang babaeng 'hinahanap?'
Ah, hindi pa pala dapat ako magpakampante. They both thought that I did not recognize Issa as the wedding intruder kaya marahil hindi makaporma ng plano si Xavi. But still, hindi
