SELENA
"LET ME."
Napahabol na lang ako ng tingin nang kumilos si Frank para lagyan ng pagkain ang plato ko. Parang may espesyal na okasyon nang mga oras na 'yon dahil iba't iba ang putaheng nakahanda sa mesa. Pinuno niya ng kanin at ulam ang plato ko.
Wala akong magawa kung hindi tingnan na lang si Frank nang masama. Gustuhin ko man siyang kuwestiyunin at pagalitan dahil sa basta na lamang niyang pagsulpot doon ay hindi ko magawa. Nasa harap kami ng mga magulang ko.
"Okay na 'yan?" Tinanong niya pa talaga ako.
Alanganin akong ngumiti at sumagot ng oo. Sandamukal na pagkain ang inilagay niya sa plato ko. Habang nagsasandok na siya ng para sa kaniya ay paulit-ulit kong sinisipa ang mga paa niya sa ilalim ng mesa. Hindi ko talaga inaasahan na gagawin niya ang bagay na ito. He just ba
