AAMININ kong natameme ako sa sinabing ‘yon ni Premo. Mas lalo pa ngang bumabalik ang dila ko ng maramdaman kong umakbay siya sa kin habang nakikipagtawanan kay lolo chairman.
Nakataas ang tingin ko sa kan’ya dahil nasa lahi na nga yata nila ang pagiging blessed sa height. “Right, apo?” baling sa kin ni lolo chairman kaya kahit wala naman akong narinig sa pinag-uusapan nila ay tipid kong ngumiti. “Oo naman po, lolo chairman! Congratulations, Premo! Ang galing mo naman!” aniya ko pa.
Hindi naman nagtagal nang nagsilapitan sa gawi namin ang mga pinsan n’yang pinangunahan ni Alas na humihikab pa n’ong tinapik ang likod ni Premo. “Iba ka talaga kapag nasa competition na! Hayop! Mana ka sa kaguwapuhan ko, magpinsan nga tayo,” aniya pa sabay halakhak. Lahat pala sila may taglay na confidence
