"Ano ho ba ang nangyari kay Cassy, noong isang araw? " Usisa ni Adella sa Ina nang umagang iyon na nagsasalo sila sa agahan. Tulog pa si Cassidy at umalis naman ang kanyang Ama, dahil ito pa rin ang CEO sa kompanya nila. Si Atlas naman ay kasama si Gina, para sa morning walk ng anak niya.
Napabuntong hininga ang Ina at tila na-stress na naman ang mukha.
"Paano ba 'yang kapatid mo e, nasangkot na naman sa gulo doon sa isang bar. Nagwala, pinagbabasag ang lahat ng makita roon, " sabi ng Ina. Hindi na dapat siya magulat dahil lagi naman itong nasasangkot sa gulo. Pero sa tagal na rin niyang kasama ang kapatid, hindi pa rin niya mapigilan ang magulat.
"Ho? Bakit daw?"
"May nakaapak daw sa bagong pedicure niyang paa. My goodness! Hindi na namin alam ng Papa mo kung ano ang gagawin sa kapat
