***
"Napapadalas yata pagiging late natin, pres?" Natatawang tanong ni Jonas nang makapasok ako sa room, "good thing, late din si ma'am kapag nale-late ka."
Tinapik ko ang balikat ni Jonas, "review ka na. Balita ko may quiz daw ngayon sa kaniya," sambit ko at dumiretso na sa upuan ko.
"Natuto na ako, pres. Nakapagreview na ako kagabi," tila proud na proud na sabi niya.
"Naks–"
"Pero narinig ko kanina sa ibang section na wala raw si Mrs. Perez ngayon, nakaleave yata."
Natigilan ako ro'n. Oo nga pala at ngayon ang schedule ng surgery ng anak niya. Nang makatulog ang anak niya kahapon ay nagpaalam na rin ako sa kaniyang umuwi kaya hindi ko alam kung kumusta na siya ngayon. May kasama kaya siya sa hospital bukod sa anak niya?
"Oy, bakit pinapapunta mo si Mrs. Perez kahapon sa hospital
