Nagdikit ang mga kilay ko dahil nagising akong mahapdi ang mga mata ko at nananakit ang lalamunan ko. Pinilit ko ang bumangon dahil may naulingan akong tila nakikipagtalo sa kausap nito. Iginala ko ang mga mata ko at nasulyapan si Etienne na may kausap sa phone at tila kinagagalitan niya ito.
"Etienne..." namamaos ang boses na tawag ko sa kanya. Kinailangan ko pang ulitin iyon nang mas malakas pa hanggang sa lingunin niya ako. Tahimik siyang nagpaalam sa kausap niya sa phone at saka nagmamadaling lumapit sa akin.
"Are you all right?" nagmamadaling tanong niya pagkaupong-pagkaupo niya sa tabi ko.
"My eyes stings and my throat hurts, too. What happened?" nagtatakang tanong ko sa kanya. Gulat siyang napatingin sa akin.
"You don't remember?" Nagsalubong ang mga kilay ko sa tanong niyan
