[Seraphina Rivero]
HINATID ako ni Rocket sa bahay. Alas-nueve na ng gabi ang kasalukuyang oras. Nasa gate ng bahay namin si Papa at naghihintay sa akin. Nakaramdam ako ng konsensiya. Madalas na alas-otso pa lang kasi ay tulog na silang dalawa ng mama ko.
Bumaba si Rocket ng sasakyan, pinagbuksan at inalalayan ako na bumaba ng kanyang itim na kotse.
“S-Seraphina, ikaw na ba yan?” Tila sinisino pa ako ng aking ama sa kasalukuyan dahil madilim na at malabo rin ang kanyang mata.
Inayos ko ang salamin ko at lumapit sa kanya. “I’m sorry, `Pa. Nagkaroon kasi ako ng problema sa school.”
Hindi siya nagkomento dahil matalim ang kanyang tingin kay Rocket. Napalunok ako.
“S-siya po si Rocket, ‘Pa.”
“Good evening po,” bati naman ng lalaki.
“`Pa, iimbitahan ko sana si Rocket sa loob ng bahay
