XLII.
PAGDATING NI KIRSTEN sa kuwarto nila ay dumiretso ito sa banyo. Binuksan niya ang shower at doon hinayaan na bumuhos ang tubig sa katawan niya. Nakaupo siya sa sahig habang nakayakap sa mga tuhod niya. Wala na siyang mukhang maihaharap pa sa pamilya bumuhay sa kanila. Nahihiya siya sa ginawa ng ina. Para sa kaniya, hindi makatarungan iyon.
“M-Ma? A-Ano pa ang mga lihim mo? Mali na nga iyong isang beses, dinagdagan mo pa! B-Bakit? Ang bait ni Tita Ivy sa iyo! Bakit mo pinatulan si Tito Sid? Akala ko ba ay magkaibigan lang kayo?” sabi ni Kirsten sa isipan. Kinakausap niya ang ina.
“T-Tin? P-Pasok ako,” paalam ni Ice. Nasa labas ito ng banyo.
Hindi na sumagot si Kirsten. Alam din naman niya na kahit umayaw pa siya ay magmamatigas pa rin itong pumasok. Hindi nagtagal, bumukas na ang
