LVII.
NASA HAPAGKAINAN SINA Zeddrick at kasama niya ang buong pamilya. Maliban na lang kay Rose Mario na bumukod na ng bahay kasama ang asawa nitong si Veronica. May isang anak na rin ang dalawa. Kung hindi lang nabuntis ng anak niya si Veronica, wala pa sanang balak ng dalawa na umamin sa relasyon na meron ang mga ito. Pero kahit paano, masaya naman siya na napunta ang anak niya sa pamilyang malapit din sa puso niya. Katulad ng sa anak niyang si Lorraine, kampante siya na hindi masasaktan ang mga anak niya sa mga pinili nitong makakasama sa buhay. Bilang isang hindi perpektong ama, masaya siya na makita na magandang pamilya ang nabuo ng mga anak niya. May apo na rin siyang lalaki kay Rose Mario—si Rose Gun. Ang tanging hiling na lang ni Zeddrick, may mahanap na rin ang makulit niyang ana
