Aniki
Hindi pa rin nakaka-move on ang mga tao sa loob ng Steampunk nang mabasa nila ang laman ng libro. Parang pati sila ay hindi alam kung ano ang gagawin at sasabihin. Muli na namang tumahimik ang sasakyan nila.
Hindi nila alam kung ano ang i-rereact. Kung mandidiri ba, mawawalan ng pag-asa o susuko na nang tuluyan. Pero wala sa kanila ang huling desisyon. Hindi sila ang magsasabi kung titigil na ba o itutuloy pa.
Napatingin sila kina V at Spice na ngayon ay nakaupo sa magkalayong silya. Kanina pa sila hindi nag-iimikan. Hindi naman nila ito masisisi dahil nabasa rin nila ang nilalaman ng libro. Hindi naman magiging madali ang pagbabalik ng kaluluwa ni V.
Una, saan sila hahanap ng Ghoul na kagaya niya? Hindi nga nila alam kung mayroon pang gaya ni V sa panahon ngayon.
Paano kung n
