“Congratulations and best wishes sa inyong dalawa,” sabay abot ko ng regalo na aming dala sa dalawang mag-asawa na ngayon ang araw ng kasal.
Kinuha nilang ninong at ninang sina nanay at tatay kaya narito kaming lahat. Kasama rin namin sina ate at Riel.
“Thank you, mayora,” pasasalamat sa akin ng bride.
“Naku! Huwag niyo po akong tawagin na mayora at baka po may makarinig at isipin na may balak akong humabol ng mayor sa susunod.”
Natatawa na lang ako dahil tinatawag nila akong Mayora gayong hindi naman ako ang mayor ng lugar na ito.
Siguro naman ay hindi na lingid sa kaalaman nila na hindi naman na kami mag-asawa ni Matias na siyang Mayor na ng aming bayan.
Sa paanan ng bundok ang reception dahil tagarito ang mga ikinasal.
Hindi nga raw nila nabalitaan na dumating pala ako na sana p
