"Demi is missing." Napaigtad sa kinauupuan si Melody ng gabing iyon. Mabilis na umayos siya ng tayo at nagtungo agad sa terrace ng silid.
Huminga siya ng malalim, tiniyak niya muna kung tama ang narinig. "Are you sure about that?" tanong niya.
Napasapo siya ng noo. Ito na nga ba ang pinakakinatatakutan niyang mangyari. Binalikan niya ang iniwang ginagawa. In-off niya ang gamit na laptop, ngayong ang buong akala niya marami na siyang nakakalap na impormasyon at mga taong nasa likod na madilim na katotohanan sa bawat tournament ng Night Lost.
Hinintay niyang makasagot sa kabilang linya si Jim subalit nanatiling tahimik ito marahil hinihintay ang iba niyang sasabihin. Batid nitong may kinalaman ang tinutukoy niyang tao noong huli silang nagkita sa nangyayari ngayon. Nang hindi na rin ma
