"Anong oras--"
"Basta, male-late na 'ko. I need to go."
Natulala na lang ako nang dire-diretso siyang naglakad palayo sa 'kin. Sinilip ko pa ang kotse niyang papalayo sa bahay namin.
Hindi kami sabay magdi-dinner. Hindi agad siya makakauwi. May nag-trigger na naman sa utak kong nakakabaliw. Kung ano-ano ang pumasok sa isip ko. Dinner with the board o baka si Claire lang ang kasama niya mamaya.
Nagpaikot-ikot ako sa sala, hindi mapakali. Pinipilit ko ang utak ko na wag mag-isip ng masama pero panay pa rin ang pagbulong ng kung ano sa utak ko. Paano nga kung nagkikita pa rin sila ni Claire? Ang unfair. Huminto na 'ko sa pagloloko dapat siya rin.
Umupo ako sa sofa nang parang papatayin na 'ko sa sikip ng dibdib ko. Inaatake ata ako ng anxiety. Buhol-buhol ang utak ko't hindi alam kung p
