"Use this to call your parents."
Napatingin ako sa cellphone na dipindot na inaabot sa 'kin ni Seval. Kadarating niya lang magmula ng umalis siya kanina. Akala ko nga'y gabi na siya makakabalik pero hapon pa lang ay sumulpot na siya sa kwarto kung saan nakasandal lang ako sa headboard ng kama niya.
"Bakit ito?" Pinagmasdan ko ang phone nang mahawakan ko iyon. Panahon pa ito ng nanay ko; dipindot na Nokia.
"It's safer, Tanya. Wag mo ng buksan ang cellphone mo." Nagkibit balikat siya. "If you really wanna disappear."
Ilang segundo akong napatitig sa maliit na phone. Kanina ko pa iniisip kung tama bang lumayo ako sa asawa ko. Ito na naman ako, nag-aalala sa kung ano ng ginagawa niya ngayon.
"Nagbago na ba ang isip mo?"
Napatingin ako kay Seval. Pilit akong ngumiti at umiling. Pinindot
