"Sino ba iyan?"
Napabuga ako sa hangin at napairap nang hindi niya sinagot ang tanong ko. Basta na lang siya lumabas sa kwarto bitbit ang cellphone niya.
Sumilip ako sa pintuan, medyo malayo siya sa silid; hindi ko siya marinig, hindi ko rin mabasa ang pagbuka ng bibig niya, pero kita ko ang pagkunot ng noo niya. Mukha siyang naiirita. Sino ba kasi ang kausap niya at kailangan niya pang lumayo sa akin. Ano? Ayaw niya bang iparinig gano'n ba?
Nagtago ako nang mapatingin siya sa direksyon ko. Napairap na lang ako at bumalik sa pagkakaupo sa may couch.
Kinalkal ko ang cellphone ko. Nakakinis siya; manong hindi niya na lang sinagot ang tawag sa kasalukuyang paglilibang namin. Gusto kong isipin na importante iyong tumawag pero nag-aalala ako, baka babae lang iyon, baka si Claire lang nama
