"Bakit?" Hindi ko mapigilan ang pagkabasag ng boses ko habang tinatanong ko siya. Nandito kami ngayon sa kotse niya na nasa parking lot ng school. "Bakit ayaw mo na? Bakit ang bilis? Bakit biglaan?" Kinagat ko ang labi ko nang dire-diretsong lumabas ang mga salita sa bibig ko kasabay ng pagtulo ng mga luhang feeling waterfalls.
Nakakainis. Nakakainis na parang ang dali lang para sa kaniya na sabihing tapusin na namin 'to. Alam ko bata pa kami pero hindi sobrang bata para ituring ang relasyon na parang mainit na kanin na kay daling iluwa.
"Sorry..." pumiyok siya. Kung sa ibang pagkakataon siguro ay baka tinawanan ko pa siya ngunit sa sobrang sakit ng nararamdaman ko ay kahit ngumiti hindi ko magawa. "Hindi ko alam kung kakayanin pa nating ipagpatuloy 'to. Masyado pa tayong bata. Pareho ta
